२७ भदौ २०७५, काठमाडौं
धनीलाई थाहै नदिई नक्कली कागजपत्रका आधारमा करिब १० करोड रुपैयाँबराबरको जग्गा बिक्रीमा संलग्न रहेको अभियोगमा चाबहिल मालपोत कार्यालयका चार कर्मचारी पक्राउ परेका छन् ।
महानगरीय प्रहरी वृत्त गौशालाले मालपोत अधिकृतसहित चारजनालाई पक्राउ गरेको हो । पक्राउ पर्नेमा मालपोत अधिकृत खगेन्द्र अर्याल तथा नासुहरू जमुनाकुमारी श्रेष्ठ, रञ्जन खरेल र रघुनाथ तिमल्सिना छन् । उनीहरूकै मिलेमतोमा एक गिरोहले चन्दनकृष्ण कायस्थको बूढानीलकण्ठस्थित ४० आना जग्गा गतसाता बिक्री गरेको खबर सार्वजनिक भएपछि प्रहरीले नियन्त्रणमा लिएको हो ।
आजको नयाँ पत्रिका दैनिकमा छापिएको छ ।
