१८ भदौ २०७५, काठमार्डौं
लिबियाको राजधानी त्रिपोलीमा प्रहरी र विद्रोहीबीचको हिंसात्मक संघर्षमाझ झण्डै ४ सय कैदी बन्दीहरु जेलबाट भागेका छन् । आइनजारा कारागारमा रहेको कैदीहरुले ढोका फुटाएर प्रहरीमाथि नै आक्रमण गरी भागेको स्थानीय सुरक्षा निकायलाई उदृत गर्दै बीबीसीले जनाएको छ ।
सो कारागारमा राखिएका अधिकांश कैदीहरु लिबियाका पूर्व नेता मुअम्मर गद्याफीका समर्थक मानिन्छन् । सन् २०११ मा गद्धाफी सरकार विरुद्ध भएको हिंसामा कयौँ मानिसको ज्यान लिएको आरोप लगाइएको छ ।
त्रिपोलीमा विद्रोही गुटबीच चर्केको हिंसापछि संयुक्त राष्ट्र समर्थित सरकारले संकटकालको घोषणा गरेको छ । त्रिपोलीमै हिजो भएको एक रकेट आक्रमणमा २ जनाको मृत्यु भएको छ भने दर्जनौं घाइते भएका छन् । आजको कान्तिपुर दैनिकमा साभार गरिएको छ ।