अशोक दर्जीको घर निमार्ण कार्य सम्पन्न, हुँदैछ आज गृहप्रवेश (भिडियो सहित)

०४ भदौ २०७५, काठमाडौँ

बहुचर्चित गीत ‘मन बिनाको धन ठूलो कि धन बिनाको मन’बाट एकाएक चर्चामा आएका बाल गायक अशोक दर्जीको घर निर्माण कार्य सम्पन्न भएको छ । संगीतकार टंक बुढाथोकीसँग उक्त गीत गाएपछि सबैको मुटुमा बस्न सफल अशोकको आज गृहप्रवेशको दिन रहेको छ ।

कुनै समयमा फुटपाथमा गीत गाउने अशोक आज सबैको नजरमा एक उदाहरणीय बालक बनेका छन् । गरिब परिवारमा जन्मिएका अशोकको बस्नको लागि राम्रो घर थिएन भने बिहान बेलुका खानको लागि उनको परिवारलाई निकै धौधौ पर्थ्यो । अशोकको घरमा उनका बाबु आमा र उनकी दुईटी बहिनीहरु छन् ।

‘मन बिनाको धन ठूलो कि धन बिनाको मन’ गीत नै उनको सफलताको पहिलो खुड्किला हो । हुन त पहिले नै सडकमा बसेर मिठो गीत गाएर मिडियामा भाइरल भएका थिए अशोक । तर टंक बुढाथोकी र डिजे रुपकले नै अशोकलाई आज यो स्थानसम्म पुर्याएका हुन् । यति सानो उमेरमै अशोकले आफूलाई अब्बल साबित गरिसकेका छन् । अहिले अशोक यति धेरै चर्चित छन् उनका फ्यानहरु उनी भनेपछि हुरुक्कै हुन्छन् । छोटो समयमा निकै सफलता हासिल गरेका अशोक विभिन्न देशविदेशका सांस्कृतिक कार्यक्रमहरुमा पनि सहभागी भैसकेका छन् । अशोक निकै दुःख र कष्ट सहेर आज यो स्थानसम्म आईपुगेका हुन् ।

आज यिनै अशोक दर्जीको घरको चाबी हस्तान्तरणको कार्यक्रम रहेको छ । अशोकको घर निर्माणको लागि उनलाई धेरै ठाउँबाट सहयोग आएको छ । निकै आकर्षक तरिकाले अशोकको घर निर्माण गरिएको छ । उनलाई सहयोग गर्ने विभिन्न व्यक्तिहरु आज अशोकको घरको गृहप्रवेशको विशेष कार्यक्रममा उपस्थित भएका छन् ।

छोरा आज यो स्थानसम्म आईपुगेर यति धेरै दर्शकको नजरमा प्रिय बनेको देख्दा अशोकका बाबुआमा निकै खुसी र भावुक पनि देखिएका छन् । अशोकले दर्शकबाट धेरै नै माया पाएका छन् । सबैले अशोकको दोस्रो गीत कहिले आउँला भनेर प्रतिक्षा गरिएका छन् । तर अब छिट्टै नै अशोकको दोस्रो गीत बजारमा आउँदैछ । यति सानो उमेरमा यो स्थानसम आईपुगेका अशोकको भविष्य साँच्चै नै उज्वल छ ।