ओएसिसका तीनै टोली सेमिफाइनलमा

आयोजक ओएसिस इङ्लिस स्कुलले तेस्रो ओएसिस कप उपत्यकाव्यापी ३×३ बास्केटबल प्रतियोगितामा तीनै समूह—सिनियर ब्वाइज, जुनियर ब्वाइज र एसईईतर्फ—सेमिफाइनल स्थान सुनिश्चित पारेका छन्।

एसईईतर्फ ओएसिससँगै पुष्पसदन, माइलस्टोन र एलिट सेमिफाइनलमा पुगे। सिनियर ब्वाइजमा ओएसिसले रेडियन्टसँग खेल्नेछ भने अर्को सेमिफाइनल किस्क र इनोभेटिभबीच हुनेछ। जुनियर ब्वाइजमा ओएसिसले ज्ञानोदयसँग प्रतिस्पर्धा गर्नेछ र प्रिमियरले किस्कसँग भिड्नेछ।

प्रतियोगिता नखिपोटस्थित कोर्टमा सञ्चालन भइरहेको छ। एसईईतर्फ विजेताले १० हजार र उपविजेताले ५ हजार नगद पुरस्कार पाउनेछन्। ‘मोस्ट भ्यालुएबल प्लेयर’ र सर्वाधिक स्कोरकर्तालाई जनही ३ हजार रुपैयाँ प्रदान गरिनेछ।