“आकाशै राम्रो जुनले” सार्वजनिक, अनिश लिम्बु र सुनिता थेगिमको स्वरमा

काठमाण्डौं ।
नेपाली सांगीतिक क्षेत्रलाई समृद्ध बनाउने उद्देश्यसहित नयाँ गीत “आकाशै राम्रो जुनले” सार्वजनिक गरिएको छ। समसामयिक भावना र मौलिक लोकलय समेटिएको यस गीतले श्रोता तथा दर्शकमाझ विशेष प्रभाव पार्ने अपेक्षा गरिएको छ।

गीतमा चर्चित गायक अनिश लिम्बु र गायिका सुनिता थेगिम लिम्बुले स्वर दिएका छन्। मनिपाल राईले शब्द र संगीत संयोजन गरेका हुन् भने गीतको मिक्सिङ तथा मास्टेरिङ राजु कार्कीले गरेका छन्।

गीतको रेकर्डिङ राजा स्टुडियोमा गरिएको हो, जहाँ सुरेश राई र मनोज सामसुन राईले रेकर्डिस्टको भूमिका निर्वाह गरेका छन्।

भिडियोतर्फ पनि गीत आकर्षक बनेको छ। भिडियोलाई बिजय मगरले निर्देशन गरेका छन् भने अर्जुन खड्काले छायांकन, सम्पादन र पोस्टर आर्टको जिम्मेवारी सम्हालेका छन्। प्रकाश संयोजनमा अनिल पराजुली र मेकअप आर्टिस्टमा रबिना लिम्बुको योगदान छ।

भिडियोमा पूर्ण लिम्बू, सुहाङ्मा आङ्बुहाङ लिम्बु, सुरेश सापकोटा, अनिश नुमिहाङ राई, गंगा राई, कल्पना हाङ्खिम राई र सुनिता पन्त लगायत कलाकारहरूको अभिनय देख्न सकिन्छ।

उत्कृष्ट संगीत संयोजन, दृश्य सौन्दर्य र समृद्ध सांस्कृतिक प्रस्तुतीकरणसहितको “आकाशै राम्रो जुनले” ले नेपाली गीतसंगीतमा नयाँ तरङ्ग ल्याउने विश्वास गरिएको छ।

👉 गीतको भिडियो हेर्नुहोस्: https://www.youtube.com/embed/vIvNsCbBTu4?si=23erFUsO1zdDKRiH