काठमाडौं, असार ३० गते।
हिमालयन चेस एकेडेमीको आयोजनामा ‘राजेन्द्र केसी स्मृति हिमालयन १०० एक्स–टु ब्लिट्ज चेस प्रतियोगिता’ आउँदो शनिबार हुने भएको छ। प्रतियोगितामा २ सय खेलाडीले सहभागिता जनाउनेछन्।
पछिल्लो संस्करणको तुलनामा यसपटक दोब्बर सहभागिता रहने एकेडेमीकी अध्यक्ष मोनालिशा खम्बूले जानकारी दिइन्। प्रतियोगितामा खुलातर्फ १० हजार, उपविजेताले ७ हजार र तेस्रो हुनेले ५ हजार नगद पुरस्कार प्राप्त गर्नेछन्।
एकदिने प्रतियोगितामा खुला, यू–१५, महिला, भेट्रान, फिडे रेटिङ १७०० र १५०० मुनि, अनरेटेड, यू–१३, यू–११, यू–९, यू–७ तथा बेस्ट एचसीए विधासमेत समावेश गरिएका छन्। बालबालिकाको बौद्धिक विकासमा टेवा पुर्याउने उद्देश्यले प्रतियोगिता आयोजना गरिएको हो।
