केदारमान थाइल्यान्ड प्रस्थान गर्दै

काठमाडौं, असार ३० गते।
विश्व स्ट्रेन्थलिफ्टिङ एन्ड इन्क्लाइन बेन्च प्रेस च्याम्पियनसिपको १२ औं संस्करणमा सहभागी हुन केदारमान स्थापित मंगलबार थाइल्यान्डको पटाया प्रस्थान गर्ने भएका छन्। प्रतियोगिता असार ३२ गतेदेखि साउन ३ गतेसम्म हुनेछ।

केदारले ५० वर्षमाथिका पुरुषतर्फको ७६ केजीमुनि तौल समूहमा प्रतिस्पर्धा गर्नेछन्। उनलाई राष्ट्रिय खेलकुद परिषद्का सदस्य–सचिव टंकलाल घिसिङ, सदस्य हिमालकुमार श्रेष्ठ र कर्मचारी संघकी अध्यक्ष सरस्वती केसी भण्डारीले सोमबार एक कार्यक्रमबीच बिदाइ गरे।