टेबलटेनिस लेभल वान कोचिङ कोर्ष सम्पन्न

लैनचौरस्थित राष्ट्रिय टेबलटेनिस प्रशिक्षण केन्द्रमा आयोजित लेभल वान कोचिङ कोर्ष आइतबार सम्पन्न भएको छ। अखिल नेपाल टेबलटेनिस संघद्वारा आयोजित उक्त पाँचदिने कोर्षमा नेपालका २८ र भारतका २ प्रशिक्षार्थी सहभागी थिए।

आईटीटीएफ विकास कार्यक्रम व्यवस्थापक बेन होज माब्रुक रामजीले प्रशिक्षण दिएका थिए। कार्यक्रममा अध्यक्ष वृजेन्द्रबहादुर हमाल, सह–अध्यक्ष शंकर गौतम, महासचिव कुवेरप्रकाश सिंहलगायतले सहभागी प्रशिक्षार्थीलाई प्रमाणपत्र प्रदान गरे।