काठमाडौं, असार १०
थाइल्यान्ड ओपन कराते च्याम्पियनसिपमा सहभागी हुन नेपाली टोली बुधबार थाइल्यान्ड प्रस्थान गर्ने भएको छ। प्रतियोगिता असार १३ देखि १५ गतेसम्म थाइल्यान्डमा आयोजना हुनेछ।
टोलीमा १० खेलाडीसहित २ प्रशिक्षक र ५ निर्णायक छन्, जसले विभिन्न स्पर्धामा नेपालको प्रतिनिधित्व गर्नेछन्।
टोलीलाई बूढानीलकण्ठ नगरपालिकाकी उप–मेयर अनिता लामा, वडा नं. ८ का अध्यक्ष सुमन तामाङ र नेपाल सितोरियो कराते संघका सचिव प्रेमलाल बम्जनले मंगलबार एक कार्यक्रमबीच बिदाइ गरे।
