काठमाडौं, जेठ ३०
बिली जिन किङ कप टेनिस प्रतियोगितामा सहभागी हुन नेपाली महिला टेनिस टोली शुक्रबार श्रीलंकाको कोलोम्बो प्रस्थान गर्दैछ। जुन १६ देखि २० सम्म आयोजना हुने प्रतियोगितामा नेपालसहित ९ राष्ट्र सहभागी छन्।
नेपाल टोलीमा अभिलाषा विष्ट, शिभाली गुरुङ, सुनिरा थापा र स्वस्तिका विष्ट छन्। समूह ३ अन्तर्गत हुने प्रतियोगितामा सहभागी ९ टोलीलाई दुई समूहमा विभाजन गरिनेछ, जसमा पहिलो हुने टोली समूह २ मा प्रवेश गर्नेछ।
दुई सिंगल्स र एक डबल्स खेल हुने यो टिम स्पर्धामा अफिसियल अजय विष्ट र प्रशिक्षक कृष्णराज घले रहनेछन्। टिमलाई राखेप सदस्य–सचिव टंकलाल घिसिङ, कार्यकारी सदस्य रञ्जना प्रधान, सदस्य हिमालकुमार श्रेष्ठ र नेपाल टेनिस संघका संयोजक मनोहरदास मुलले बिदाइ गरे।
