११औं संस्करणको नेपाल एमेच्योर ओपन गल्फ च्याम्पियनसिपको पहिलो दिनको खेल सम्पन्न भएको छ। पहिलो दिन नेपालका नम्बर एक एम्याच्योर गल्फर सदभाव आचार्यले ६-अन्डर ६६ को स्कोर गर्दै शीर्ष स्थानमा रहेका छन्।
नेपालकै वाङ्गचेन ढोन्डुप ४-अन्डर ६८ को स्कोरसहित दोस्रो स्थानमा छन्। त्यस्तै, नेपालका राहुल विश्वकर्मा, भारतका सुमित कोटवाल र बङ्गलादेशका मोहम्मद साहाब उद्दीन २-अन्डर ७० को स्कोरसहित संयुक्त तेस्रो स्थानमा रहेका छन्।
