१४औं कर्मचारी खेलकुद प्रतियोगिता भोलिदेखि सुरु हुँदै

कर्मचारी खेलकुद प्रतिष्ठान नेपाल (इसान) ले आयोजना गर्ने १४औं कर्मचारी खेलकुद प्रतियोगिता यही जेठ २१ देखि २८ गतेसम्म काठमाडौंमा सञ्चालन हुने भएको छ। प्रतियोगितामा फुटसल, ब्याडमिन्टन र टेबलटेनिस विधामा प्रतिस्पर्धा हुनेछ।

नेपाल सरकारका पूर्ण र आंशिक स्वामित्वमा रहेका सार्वजनिक संस्था, बैंक तथा वित्तीय संस्था, बीमा कम्पनी, दूरसञ्चार सेवा प्रदायक संस्था तथा वायुसेवा कम्पनीहरूबाट कर्मचारी टोलीहरूको सहभागिता रहनेछ।

फुटसलतर्फ १५ पुरुष र ४ महिला टोली प्रतिस्पर्धा गर्नेछन्। विजेता टोलीले ५५ हजार रुपैयाँ, उपविजेताले ३३ हजार र तेस्रो हुने टोलीले २२ हजार रुपैयाँ पुरस्कार प्राप्त गर्नेछन्। अन्य विधाका विजेताहरूलाई पनि नगद पुरस्कार दिइनेछ।

ब्याडमिन्टन खेल हात्तीगौंडास्थित ¥याकेट एन्ड रोल ब्याडमिन्टन हलमा, टेबलटेनिस लैनचौरस्थित तालिम केन्द्रमा, र फुटसल टोखास्थित ग्रान्डी स्पोर्ट्स सेन्टरमा सञ्चालन हुने जानकारी आयोजकले दिएको छ।