काठमाडौं, वैशाख २०
त्रिभुवन आर्मी क्लब र गण्डकी प्रदेशले राष्ट्रिय महिला हक्की प्रतियोगितामा उपाधिनजिक पुग्दै रोमाञ्चक प्रतिस्पर्धा तय गरेका छन्।
शनिबार ललितपुरको च्यासल मैदानमा सम्पन्न खेलमा आर्मीले बागमती प्रदेशलाई ८–० को एकपक्षीय अन्तरले पराजित गर्दै दोस्रो जित दर्ता गर्यो।
– कमला चन्द, निलिमा पाण्डे र दमारा भट्ट: समान दुई गोल
– सुनिता नेगी र सीतामाया बल: समान एक गोल
चार टोली सहभागी लिगको शीर्ष स्थानमा रहने टिम नै उपाधि विजेता बन्नेछ। हालसम्म आर्मी र गण्डकी दुवैले दुई–दुई खेलमा जित निकाल्दै ६–६ अंक जोडेका छन्। अब आईतबार हुने आर्मी र गण्डकीबीचको प्रत्यक्ष भिडन्तले उपाधि निर्धारण गर्नेछ। बागमती र मधेश भने दुई खेलमा पराजित हुँदै अंकविहीन छन्।
