निस्ट कपमा टीआईए, दीक्षालय, चेल्सी र नेक्सस च्याम्पियन

टीआईए, दीक्षालय, चेल्सी वल्र्ड स्कुल र नेक्सस इन्टरनेसनल एकेडेमी तेश्रो निस्ट कपमा शनिबार च्याम्पियन बनेका छन् । बास्केटबलको सिनियर ब्वाइजमा टीआईए, सिनियर गल्र्समा दीक्षालय र जुनियर गल्र्स चेल्सीले उपाधि जिते । नेक्सस जुनियर ब्वाइज फुटबलमा पहिलो भयो ।

लोकन्थलीस्थित भक्तपुर निस्ट स्कुलद्वारा आयोजित बास्केटबलको सिनियर ब्वाइज फाइनलमा टीआईएले बौद्ध इन्टरनेसनल स्कुललाई ५०–२६ ले पराजित ग¥यो । टीआईएका रोशन नगरकोटीले २६ अंक जोडे । निस्ट तेश्रो भयो ।

सिनियर गल्र्सको उपाधि भिडन्तमा दीक्षालयले निस्टलाई २३–२० को साँघुरोअन्तरले हरायो । दीक्षालयकी लाक्पा डोमा शेर्पाले ११ स्कोर गरिन् । चेल्सी तेश्रो बन्यो ।

जुनियर गल्र्सको फाइनलमा चेल्सीले आर्या एकेडेमीमाथि २५–७ को सहज जित दर्ता ग¥यो । चेल्सीकी लाजेन शेर्पाले १२ अंक जोडिन् । निस्ट तेश्रो स्थानमा रह्यो ।

फाइनलका सर्वाधिक स्कोरकर्तात्रय रोशन, लाक्पा र लाजेन आ–आफ्नो विधामा ‘मोस्ट भेलुएबल प्लेयर’ घोषित भए । जुनियर ब्वाइजको फुटबलमा च्याम्पियन बनेको नेक्ससले फाइनलमा गोल्डेन सुन्गाभालाई २–० गोलले हरायो । विजयी टिमका लागि दुवै गोल विराज डुगुले गरे । विराजनै प्रतियोगिताको उत्कृष्ट खेलाडी चुनिए । निस्टका सक्षम न्यौपाने सर्वाधिक गोलकर्ता बने ।
डिफेन्समा गोल्डेन सुन्गाभाका निर्मल भुजेल, गोलरक्षकमा आर्याका प्रिन्स महर्जन र प्रशिक्षकमा नेक्ससका सविन रन्जित उत्कृष्ट ठहरिए ।

प्रतियोगितासंगै विद्यार्थीमा स्वच्छ वातावरण बारे सचेतना जगाउने उद्देश्यले आयोजित क्लाइमेट च्याम्पियनको उपाधि नव सुन्ताखानले जित्यो । नव सुन्ताखानले सर्वाधिक ५ सय अंक बटुल्यो । १ सय ७० अंकसाथ चेल्सी दोश्रो तथा  १ सय ६५ अंकमा राजश्री गुरुकुल तेश्रो भए ।

वातारण दूषित बनाउने प्लास्टिक प्रयोग नगर्ने, इन्धनबाट चल्ने सवारी साधनको सट्टा विद्युतिय सवारी साधन÷साइकलको प्रयोग गर्ने वा छोटो दूरीको यात्रामा पैदल यात्रा गर्ने, विरुवा रोप्ने, आफूले लगाएको पोशाकमा वातावरण जोगाउने सन्देशमूलक नारा लेख्नेलगायत विषयवस्तुलाई मध्यनजर गरी शीर्ष तीन स्थानमा रहने टोलीको चयन गरिएको हो ।

विजेतालाई निस्ट फाउन्डेनका अध्यक्ष डा. माधवप्रसाद बराल, कार्यकारी निर्देशक डा. राजेन्द्रकुमार घिसिङ, प्रमुख कार्यकारी अधिकृत चन्द्र अधिकारीलगायतले एक कार्यक्रमबीच पुरस्कृत गरे । फागुन १३ गतेदेखि सुरु भएको निस्ट कपअन्तर्गत बास्केटबलको सिनियर ब्वाइजमा १३, सिनियर गल्र्समा ९ र जुनियर गल्र्समा १६ टिम सहभागी  थिए । जुनियर ब्वाइज फुटबलमा २४ टिमले प्रतिस्पर्धा गरेका थिए ।