काठमाडौं । नेपाल पर्यटन बोर्ड र चाइनिज ह्वायान टेम्पलको संयुक्त आयोजनामा ग्लोबल कम्युनिकेसन एण्ड कोअपरेसन कम्पनी र चोङकिङ सि झोउ कल्चरल कम्युनिकेसन कम्पनी लिमिटेडले आयोजना गरेको ‘चिनियाँ हुयान टेम्पल कलेक्शन हान डाइनेस्टी पोर्ट्रेट स्टोन रबिङ प्रदर्शनी’ काठमाडौंमा सफलतापूर्वक सम्पन्न भएको छ ।
हुयान मन्दिर संग्राहालयको संग्रहबाट झण्डै एक सय उच्च गुणस्तरको रबिङहरू राखिएको प्रदर्शनी, हुयान मन्दिर, दाओजियानका मठाधीशले लगभग बीस वर्षको सङ्कलन र अनुसन्धानबाट खोजिएको बताएका थिए । काठमाडौंमा आयोजित प्रदर्शनी हुयान मन्दिरको पहिलो सांस्कृतिक प्रदर्शनी हो । यसले चीन र नेपालबीचको सांस्कृतिक विकास र आपसी सिकाइलाई दरिलो बनाउनुका साथै दुई देशबीचको कलात्मक आदानप्रदान र अनुसन्धान कार्यलाई प्रवर्द्धन गर्न मद्दत गर्ने आयोजकले विश्वास लिएका छन् ।
पोर्ट्रेट ढुङ्गाहरू हान र वेई अवधिहरूमा स्थापित चित्र सहितको वास्तु ढुङ्गाहरू हुन् । यी ढुङ्गाहरूले हान राजवंश अघिको चिनियाँ कलाको उचाईलाई प्रतिनिधित्व गर्नुका साथै हान राजवंशको कलामा पनि गहिरो प्रभाव पारेको देखिन्छ । हान राजवंश चित्रित ढुङ्गाहरूले हान राजवंशको राजनीतिक, आर्थिक, सांस्कृतिक, कलात्मक र सामाजिक जीवनका विभिन्न पक्षहरूलाई चित्रण गर्दछ । जसले चिनियाँ हान संस्कृति र चिनियाँ सभ्यताको विकासक्रमलाई देखाउँछ ।
नेपाल पर्यटन बोर्डका अध्यक्षले नेपालमा थप उत्कृष्ट परम्परागत चिनियाँ संस्कृतिलाई स्वागत गर्दै नेपाल र चीनबीचको सांस्कृतिक आदानप्रदानमा योगदान पु¥याएकोमा एबोट दाओजियानलाई धन्यवाद ज्ञापन गरे । उनले नेपाल र चीनबीचको सांस्कृतिक पर्यटन आदानप्रदान र सहकार्यलाई दरिलो बनाउने विश्वास पनि व्यक्त गरे ।
अप्रिल २५ गते बिहान प्रतिनिधिमण्डलले नेपालस्थित चिनियाँ दूतावासको भ्रमण गरी राजनीतिक मामिला सल्लाहकार वाङ जिनसँग भेट गरेको थियो । काउन्सिलर वाङले प्रतिनिधिमण्डललाई स्वागत गर्दै यस सांस्कृतिक आदानप्रदान गतिविधिको लागि ऐक्यवद्धता र समर्थन व्यक्त गरे । उनले प्रतिनिधिमण्डलले चीन र नेपालबीचको आदानप्रदानलाई सुदृढ गर्दै दुई देशबीचको सांस्कृतिक आदानप्रदान र सहयोगमा योगदान पु¥याउने विश्वास व्यक्त गरे ।
