![](https://i0.wp.com/www.pariwartankhabar.com/wp-content/uploads/2023/01/327998985_1273032730094969_7963979074981942230_n.jpg?fit=720%2C410&ssl=1)
काठमाडौं । राष्ट्रिय युवा परिषद्द्वारा गठित वैदेशिक रोजगारीबाट फर्केका युवाहरुको सञ्जाल (रिटर्नी युवा संजाल)ले भक्तपुर, धुन्चेपाखास्थित कुमारी पार्कमा युवा मार्गदर्शन तथा बनेभोज कार्यक्रम सम्पन्न गरेको छ ।
![](https://i0.wp.com/www.pariwartankhabar.com/wp-content/uploads/2023/01/327999680_1233309400593397_3022316683752959378_n-768x557.jpg?resize=720%2C522&ssl=1)
कार्यक्रमका प्रमुख अतिथि राष्ट्रिय युवा परिषद्का कार्यकारी उपाध्यक्ष सुरेन्द्र बस्नेतले सहभागीहरुलाई युवा मार्गदर्शनबारे बोध गराउनुका साथै बैदेशिक रोजगारीबाट फर्केका युवाहरुको सीप, क्षमतालाई राष्ट्रको हितमा लगाउनुपर्ने बताए ।
![](https://i0.wp.com/www.pariwartankhabar.com/wp-content/uploads/2023/01/328103639_3375301272683956_779534178559655197_n-768x445.jpg?resize=720%2C417&ssl=1)
प्रमुख अतिथि बस्नेतले भने, ‘हाम्रो देशमा हरेक वर्ष श्रम बजारमा ४ लाख ५० हजार युवाहरु भित्रिन्छन भने ५ लाख भन्दा बढी युवाहरु रोजगारीका लागि विभिन्न देशमा बाहिरिने गरेका छन् । हाम्रै छिमेकी देश श्रीलंका टाट पल्टिसकेको अवस्थामा पनि हाम्रो देशमा अझै त्यस्तो अवस्था नआउनुमा बैदेशिक राजगारीमा गएका युवा जनशक्ति नै प्रमुख कारक हुन् । त्यसैले बैदेशिक रोजगारीबाट फर्केका युवाहरुको हकहित र मागलाई एककीकृत गर्दै बैदेशिक रोजगार बोर्ड, युवा तथा खेलकुद मन्त्रालय र अर्थ मन्त्रालयको समन्वयमा कार्यविधि बनाई फेरी पनि रोजगारीका लागि विदेशिने अवस्थाको अन्त्य गर्नुपर्छ ।’
![](https://i0.wp.com/www.pariwartankhabar.com/wp-content/uploads/2023/01/328041480_3243733149290021_3644742019294020328_n-768x501.jpg?resize=720%2C470&ssl=1)
त्यस्तै कार्यक्रमका विशेष अतिथि राष्ट्रिय युवा परिषद्का प्रमुख प्रशासकीय अधिकृत रमाकान्त शर्माले आफ्ना जीवनका तितामिठा अनुभवहरु बाँडेका थिए । जसले सहभागीहरुमा जीवनप्रतिको संघर्षमा थप उत्प्रेरणा मिलेको थियो ।
![](https://i0.wp.com/www.pariwartankhabar.com/wp-content/uploads/2023/01/328152858_905251477269272_5404362003723736834_n-768x439.jpg?resize=720%2C411&ssl=1)
कार्यक्रमको अध्यक्षता रिटर्नी युवा संजालका अध्यक्ष सुवास ढकालले गरेका थिए भने स्वागत मन्तव्य संजालकै उपाध्यक्ष निमेश कुमार ओली, अतिथिहरुलाई स्वागत तथा खादा कोषाध्यक्ष अजिता ठकुरी र कार्यक्रमको संचालन बरिष्ठ उपाध्यक्ष सविन खड्लेकाले गरेका थिए ।
![](https://i0.wp.com/www.pariwartankhabar.com/wp-content/uploads/2023/01/327980220_685862990000415_1201701931984189003_n-768x485.jpg?resize=720%2C455&ssl=1)
विहान ७ बजेदेखि साँझ ५ बजेसम्म आयोजित कार्यक्रममा सहभागीहरुलाई विभिन्न खेल तथा नाँचगान र मिष्ठान भोजनले भरपूर मनोरञ्जन गरिएको थियो ।
![](https://i0.wp.com/www.pariwartankhabar.com/wp-content/uploads/2023/01/327997300_597818908846546_7553249611900709074_n-768x471.jpg?resize=720%2C441&ssl=1)
![](https://i0.wp.com/www.pariwartankhabar.com/wp-content/uploads/2023/01/328081616_1267163817343708_2363770897018335154_n-661x768.jpg?resize=720%2C837&ssl=1)
![](https://i0.wp.com/www.pariwartankhabar.com/wp-content/uploads/2023/01/328145375_713360733615071_4279744701683413136_n-625x768.jpg?resize=720%2C885&ssl=1)