काठमाडौं । नेकपा एमाले बूढानीलकण्ठ १३ वडा पार्टी कमिटीद्वारा आयोजित घरदैलो कार्यक्रममा काठमाडौं क्षेत्र नं. ४ का प्रतिनिधिसभा सदस्य उम्मेदवार डा. राजन भट्टराई र ४(२) प्रदेशसभा सदस्यका उम्मेद्वार जयराम थापाको स्वागतमा चुनिखेलका चोक, भित्रि सडक र गल्लीहरु सजाईएको छ ।
उम्मेद्वारद्वय डा. भट्टराई र थापा चुनिखेलवासीको घरदैलोमा पुग्दा जनताले अपार माया, उत्साह र सहभागिता जनाएका थिए । स्थानीयवासीको साथले उत्साहित बनेका डा. राजन भट्टराईले चुनिखेलले आगामी निर्वाचनमा ऐतिहासिक भूमिका निर्वाह गर्ने दावी समेत गरेका छन् ।
घरदैलो अभियानमा बूढानीलकण्ठ १३ का स्थानीयहरुको न्यानो स्वागत र सक्रिय सहभागिता रहेकोले आगामी मंसिर ४ को निर्वाचनमा चुनिखेलवासीले नेकपा एमालेलाई ठूलो मतान्तरले लिड गराउने नेकपा एमाले बूढानीलकण्ठ सचिव एवम् पूर्व वडाध्यक्ष श्रीकृष्ण श्रेष्ठले दावी गरेका छन् ।
