एमालेलाई राष्ट्रिय शक्ति नबनाए देशका लागि दुर्भाग्य : केपी अ‍ोली

काठमाडौं । नेकपा (एमाले)का अध्यक्ष केपी शर्मा ओलीले आसन्न निर्वाचनमा आफ्नो पार्टी विजयी नभए देशले दुर्भाग्य भोग्नुपर्ने बताएका छन् ।

बुुधबार काठमाडौं निर्वाचन क्षेत्र नम्बर–१ मा पार्टीका उमेदवार किरण पौडेलको प्रचार कार्यक्रममा उनले जनताले योपटक एमालेबाहेकलाई राष्ट्रिय शक्ति बनाउन नहुनेमा जोड दिए । एमालेलाई राष्ट्रिय शक्ति नबनाए देशका लागि दुर्भाग्य हुने उनको भनाइ थियो ।

अहिलेको सत्ता गठबन्धनले नै पुनः देशको नेतृत्व गरे विकास सम्भव नहुने जिकिर उनले गरे । गठबन्धन सरकार सर्वोच्च अदालतको परमादेशबाट बनेको भन्दै उनले जाली–किर्ते गरेर बनाइएको सरकारले निरन्तरता पाउन नहुने बताए ।