द्वन्द्वले मुलुक र जनताको हित हुँदैंन : गृहमन्त्री

काठमाडौँ । गृहमन्त्री बालकृष्ण खाँणले द्वन्द्वले मुलुक र जनताको हित नहुने बताएका छन्।

रुपन्देहीको सिद्धार्थनगर नगरपालिका–६ गल्लामण्डीस्थित श्री शिव मन्दिर धर्मशालाको आज उद्घाटन गर्दै उनले द्वन्द्व अन्त्यका लागि सबै सम्प्रदायलाई सम्मान गर्नुपर्ने बताए।

नेपाल बहुभाषिक, बहुसांस्कृतिक र बहुजातीय मुलुक भएकाले सबै धर्म र सम्प्रदायका मानिसले एकले अर्कोलाई सम्मान गर्नुपर्ने उनको भनाइ थियो ।