पोखरामा अग्रता फराकिलो बनाउँदै धनराज



पोखरा । पोखरा महानगरपालिकाको मेयर पदमा धनराज आचार्यले मतान्तर बढाउँदै लगेका छन् । गठबन्धनका तर्फबाट नेकपा एकीकृत समाजवादीका उम्मेदवार आचार्यले नेकपा एमालेका उम्मेदवार कृष्ण थापासँगको मतान्तर ३०३४ पुर्‍याएका हुन् ।

आचार्यले २५२२६ मत प्राप्त गरेर अग्रता कायम राखेका छन् । उनलाई एमालेका कृष्ण थापाले २२१९२ मत ल्याएर पछ्याइरहेका छन् । मेयरमै राप्रपाका शंकर खरालले २५९० र स्वतन्त्रका अटेरी उम्मेदवार गनेस पौडेलले १४८० मत प्राप्त गरेका छन् ।

उपमेयरमा कांग्रेसकी कोपिला रानाभाटले २५४५९ मतसहित अग्रता बनाएकी छन् भने एमालेकी मञ्जुदेवी गुरुङले २५४०४ मत ल्याएर पछ्याइरहेकी छन् । राप्रपाकी रञ्जना सेनले २३८५ मत प्राप्त गरेकी छन् ।

प्रतिक्रिया दिनुहोस्