काठमाडौं । बूढानीलकण्ठ नगरपालिका वडा नं. ८ मा नेकपा एमालेका सुमन तामाङ नेतृत्वको प्यानलै विजयी भएको छ । उनले निकटतम प्रतिद्वन्दी नेपाली काँग्रेसका उम्मेद्वारलाई ४५४ मतको फराकिलो मतान्तरले पराजित गरेका छन् ।
प्राप्त बूनपा ७ को अन्तिम मत परिणाम अनुसार नेकपा एमालेका उम्मेद्वार सुमन तामाङ १५२२ मत प्राप्त गरेका छन् भने नेपाली कांग्रेसका प्रत्यासीले १०६८ मत प्राप्त गरेका छन् ।
वडाध्यक्षमा सुमन तामाङ विजयी हुँदा नेकपा एमालेकै महिला वडा सदस्यमा मैना पराजुली, दलित महिला सदस्यमा गोमा मंग्रान्ति, खुल्ला सदस्यहरुमा विनोद थापा र सविन अधिकारी निर्वाचित भएका छन् ।
बूढानीलकण्ठ ८ को मतपरिणाम
बूढानीलकण्ठ नगरपालिकाको प्रमुख र उपप्रमुखमा पनि नेकपा एमालेकै उम्मेद्वारले अग्रता कायम गरेका छन् । वडा नं. १ देखि ८ सम्मको प्राप्त मत परिणाम अनुसार १७०१८ मत गन्दा एमालेका मिठाराम अधिकारीले ६०९१ मत प्राप्त गरेका छन् भने नेपाली काँग्रेसका विनोद चालसे ५२८ मतले पछाडि छन् ।
त्यस्तै उपप्रमुखमा नेकपा एमालेकै अनिता लामाले ६५६७ मत प्राप्त गर्दै नेपाली काँग्रेसकी रमिला वाग्लेलाई ५०४ मतान्तरले पछि पारेका छन् ।
यो पनि पढ्नुहोस्
