![](https://i0.wp.com/www.pariwartankhabar.com/wp-content/uploads/2022/04/viber_image_2022-04-21_13-47-02-234.jpg?fit=720%2C409&ssl=1)
काठमाडौं । नेकपा एमाले स्थायी कमिटी सदस्य तथा बागमती प्रदेश ईन्चार्ज काशीनाथ अधिकारीले स्थानीय निर्वाचन लक्षित प्रदेश स्तरीय प्रचार डेस्कको शुभारम्भ गरेका छन् ।
शुभारम्भ समारोहमा केन्द्रीय सदस्य तथा प्रचार विभाग उपप्रमुख विष्णु रिजाल र बागमती प्रदेश अध्यक्ष केशवराज पाण्डेले प्रदेशभित्रका ११९ वटै पालिकाहरुसँग समन्वय गरी बागमती प्रदेशको प्रचारको कामलाई व्यवस्थित गर्न निर्देशन दिएका थिए ।
![](https://i0.wp.com/www.pariwartankhabar.com/wp-content/uploads/2022/04/viber_image_2022-04-21_13-47-06-629-768x361.jpg?resize=720%2C338&ssl=1)
नेकपा एमाले बागमती प्रदेश उपसचिव तथा प्रकाशन विभाग प्रमुख महेश बड्तौलाको अध्यक्षता र प्रेस चौतारी नेपालका महासचिव हिरामान लामाको विशेष आतिथ्यतामा सम्पन्न बैठकले बागमती प्रदेश भित्रको सबै जिल्ला र पालिकाहरुको कामलाई समन्वय र सहयोग गर्न ६ सदस्यीय कमिटीको गठन गरेको छ ।
नवगठित कमिटीमा,
ध्रुवप्रसाद घिमिरे : काठमाडौं–भक्तपुर–सिन्धुली
प्रकाश सिलवाल : धादिङ–चितवन-ललितपुर
शरद सापकोटा : दोलखा–रामेछाप–मकवानपुर
किरण देउजा : सिन्धुपाल्चोक–काभ्रे
समिर बलामी : नुवाकोट–रसुवा
बैठकले नेकपा एमालेका नेता तथा उम्मेदवारको बारेमा टिका टिप्पणी, गाली गलौज, पार्टीलाई असर पर्ने व्यक्तिगत समाचार वा कुनै पनि खालको गतिविधि नगर्ने र नगराउन समेत मातहतका कमिटीलाई निर्देशन दिएको छ ।
प्रदेश प्रचार डेस्कले मातहतका जिल्ला तथा पालिकामा रहेको प्रचार डेस्कसँग समन्वय गरी एकीकृत रुपमा सम्प्रेषण गर्नेछ । १३ वटै जिल्लाका प्रचार डेस्कबाट पठाउने समाचार, विचार, फिचर वा भिडियो नेकपा एमाले बागमती प्रदेश प्रचार तथा प्रकाशन विभागको इमेलः [email protected] पठाउनु पर्नेछ ।