बालउद्धार मा.वि.का ५३ विद्यार्थीलाई विद्यालय पोशाक वितरण

बूढानीलकण्ठ नगरपालिका –१० स्थित बालउद्धार माध्यमिक विद्यालयका ५३ जना विद्यार्थीहरुलाई विद्यालय व्यवस्थापन समितिका अध्यक्ष ध्रुवप्रसाद घिमिरेको पहलमा समाजसेवी शारदा घिमिरे (उप्रेती) द्वारा उनकै सहयोगमा आज विद्यालयको नयाँ पोशाक वितरण गरिएको छ।

विधालयको कक्षा १ देखि १० सम्म अध्ययनरत विद्यार्थीहरु मध्ये विद्यालयका शिक्षकद्वारा छनोट गरिएका ५३ छात्रछात्रालाई पोशाक वितरण गरिएको र यस किसिमको सहयोगले विद्यालयका विद्यार्थीहरुको पढाईमा समेत सकारात्मक प्रभाव पार्ने सहायक प्रधानाध्यापक राजन प्रसाद रेग्मीले परिवर्तन खबरलाई बताएका छन्।

प्रधानाध्यापक विनोद पण्डितले विद्यालयका आर्थिक रुपमा कमजोर विद्यार्थीहरुलाई वितरण गरिएको पोशाक सहयोगले ठूलो योगदान पुर्याउने बताउँदै आगामी दिनमा समेत यस किसिमका कामहरुलाई निरन्तरता दिन वरिष्ठ समाजसेवी शारदा घिमिरेलाई अनुरोध गरेका छन्।

Pariwartankhabar

पोशाक वितरण समारोहमा विद्यालय व्यवस्थापन समितिका अध्यक्ष ध्रुवप्रसाद घिमिरे, विद्यालय व्यवस्थापन समिति सदस्य देवी रेग्मी, प्रधानाध्यापक विनोद पण्डित, सहायक प्रधानाध्यापक राजन प्रसाद रेग्मी, समाजसेवी रेणुका खड्का, उमा घिमिरे, इण्ट्र्याक्ट क्लबकी अध्यक्ष आस्था घिमिरे लगायत शिक्षकहरुको सहभागीता रहेको थियो।