बेलायतको नर्थ योर्कशायरकी यास्मिक वाकर नामकी युवतीले उनले मन पराएका युवकले साथी मात्र रहन चाहन्छु भनेपछि सामाजिक सञ्जालमा यस्तो कुरा पोष्ट गरिन् कि उनलाई अदालतले जेल सजाय सुनाएको छ ।
वास्तवमा ती युवतीले मन पराएका युवक र उनीबिच शारिरीक सम्बन्ध भैसकेको थियो । तर शारिरीक सम्बन्धपछि युवकले युवतीको साथी मात्र बन्न सक्ने बताए । त्यसपछि रिस उठेर युवतीले उनको र युवकको आपत्तिजनक तस्बिर सामाजिक सञ्जालमा अपलोड गरिदिइन् । उक्त तस्बिर सार्वजनिक गरेको ११ मिनेटसम्म उनले हटाएकी थिइनन् । ११ मिनेटमा तस्बिर निकै भाइरल हुन पुग्यो ।
तस्बिर भाइरल भएपछि प्रहरीले युवतीलाई पक्राउ गरेको थियो । युवतीले बयान दिने क्रममा अदालतमा आफ्नो आखाँ कमजोर भएका कारण उक्त तस्बिर झुक्किएर अपलोड भएको बताएकी थिइन् । तर बेलायतको कानूनले उनले रिभेन्जको लागि त्यस्तो गरेको ठहर गर्दै उनलाई ३ महिनाको जेल सजाय सुनाएको छ ।
कानूनी कारणले गर्दा अहिलेसम्म युवकको पहिचान भने खुलाइएको छैन ।
