काँग्रेसका युवा नेपता तथा नेविसंघका पूर्व अध्यक्ष नैनसिंह महरद्धारा लिखित महाकाण्ड नामक पुस्तक विमोचन समारोहमा नेपाली काँग्रेसका सभापति शेरबहादुर देउवाले आफू प्रधानमन्त्रीको रेसमा नरहेको बताएका छन् ।
उनले कार्यक्रममा बोल्दै भने, ‘म प्रधानमन्त्रीको रेसमा छैन । प्रतिपक्षी सरकारमा जानुहुन्न भन्नेहरु पनि छन् । प्रतिपक्षी गभर्मेन्ट इन वेटिङ हो । तरपनि मलाई प्रधानमन्त्री हुने चाहना छैन’ ।
यस्तै उनले अदालतमा विचाराधीन मुद्दामा आन्दोलन गर्न नुहनेमा आफू सुरुदेखि नै स्पष्ट रहेको पनि बताए । उनले भने, ‘संसदीय व्यवस्थापनमा अदालतलाई यो गर उ गर भनेर सडकमा आन्दोलन गरिए व्यवस्था नै नरहने खतरा हुन्छ । त्यसैले मैले अदालतलाई यो गर त्यो भन्नुहुँदैन भनेको हुँ । यसमा म प्रतिबद्ध छु ।’