अब एमाले छैन, नेकपा मात्रै छ : झाँक्री



काठमाडौं । नेकपा नेतृ रामकुमारी झाँक्रीले प्रधानमन्त्री केपी शर्मा ओलीलाई स्वेच्छाचारी बनाउन पार्टीका शिर्ष नेताहरूको अकर्मण्यता पनि कारक रहेको बताएकी छन् ।

‘आफू बहुमतमा हुँदाहुँदै ओलीको स्वेच्छाचारी कदम सहेर बस्नेहरुले पनि यो अवस्था ल्याउन भूमिका गरेका छन्’, आइतबार बिराटनगरमा प्रचण्ड नेपाल समूहको अखिल भेलामा बोल्दै उनले भनिन् ‘त्यसबेला पनि तह लगाउन नसक्ने, अनि प्रतिगमन गरिसक्दा पनि धुप र बत्ती बाल्ने ?’

सडकमा सशक्त आन्दोलनको आवश्यकता औल्याउँदै उनले चरम अवसरवादी चरित्रबाट त्यो सम्भव नहुने बताइन् ।

‘अहिले पूर्व एमाले एक हौं भन्नु ओलीले आफ्नो अनन्य मित्र, राष्ट्रपति र चार जना धर्मछोराको मुख्यमन्त्री पद जोगाउने षड्यन्त्र मात्रै हो’ उनले थपिन् ‘अब एमाले छैन, नेकपा मात्रै छ। त्यस्ता अवसरवादी कुराको पछि नलागौं ।’

पार्टीको नाम, झन्डा वा चुनाव चिन्ह कता पर्ला भनेर मौन बस्नेहरू नै अवसरवादको चरम नमुना भएको उनको भनाइ छ।

प्रतिक्रिया दिनुहोस्