प्रहरीमा एसएसपी बढुवा तयारी, प्रतिस्पर्धामा को को ?



काठमाडौं । नेपाल प्रहरीका उपरीक्षक (एसपी) लाई वरिष्ठ उपरीक्षक (एसएसपी) मा बढुवा गर्ने तयारी थालिएको छ । पुस १३ मा गृह मन्त्रालयले ९ जना प्रहरी वरिष्ठ उपरीक्षक (एसएसपी) लाई प्रहरी नायव महानिरीक्षक (डिआईजी) मा बढुवा गर्न सिफारिस गरेको थियो ।

डिआईजीको अन्तिम सूची प्रकाशन गरेपछि तत्काल योग्यता पुगेका प्रहरी उपरीक्षकहरुलाई एसएसपीमा बढुवा सिफारिस गरिने गृह मन्त्रालयका एक उच्च अधिकारीले बताए ।

अहिले एसएसपीको ९ पद रिक्त छ । तर, पुस २९ मा दुईजना एसएसपी अवकाशमा जाँदै छन् । रिक्त हुने दुई सिटसहित ११ जना एसएसपीमा बढुवा हुँदैछन् ।

दुई एसपी अवकासमा जाँदै

०४७ माघमा प्रहरी सहायक निरीक्षक (असई) बाट सेवा प्रवेश गरेका दुईजना एसपी पनि अवकासमा जाँदै छन् । प्रहरी उपरिक्षक राजेन्द्र विष्ट र रमेह थापा पुस २९ मा अवकाशमा जान लागेका हुन् ।

प्रतिस्पर्धामा को को ?

एसएसपीको फुली लाउन पाउने आकाङ्क्षामा सिनियर ब्याचका १३ जना प्रहरी उपरीक्षकहरु छन् । ०५१ मा प्रहरीमा सेवा प्रवेश गरेका विकासराज खनाल, कृष्ण कुमार महत, अर्जुनचन्द ठकुरी, कृष्णहरी शर्मा पोखरेल, चक्रबहादुर सिंह, मधुसुदन लुईटेल, मोहन पोखरेल र ध्रुवराज राउत एसएसपी बन्ने प्रतिस्पर्धामा छन् ।

सोही ब्याचका गोविन्द शाह, उमाशंकर पञ्जियार, सुरेन्द्र मैनाली, योगबहादुर पाल र टीका बहादुर केसी पनि एसएसपीका प्रतिस्पर्धी हुन् ।

०५४ मा सेवा प्रवेश गरेका प्रहरी अधिकृतले पनि बढुवाको आकांक्षा राखेका छन् । यद्यपि उनिहरुलाई बढुवा नगर्ने प्रहरी महानिरिक्षक शैलेश थापा क्षेत्रीले अडान लिएका छन् ।

पछिल्लो ब्याचबाट सिद्धिविक्रम शाह, दानबहादुर कार्की, ईश्वर कार्की, सुशिल सिंह राठौर र ओम राना लगायतका अधिकृत एसएसपी बढुवाको प्रतिस्पर्धामा छन् ।

प्रतिक्रिया दिनुहोस्