काठमाडौं । नेपालको चार दिने भ्रमणमा रहेको चिनियाँ उच्चस्तरीय टोली आज दास्रो दिन पनि राजनीतिक भेटवार्ता व्यस्त हुने भएको छ ।
नेकपा विवाद र संसद विघटनपछि नेपाल आएको चिनियाँ कम्युनिष्ट पार्टीको अन्तर्राष्ट्रिय विभाग उपमन्त्री गुओ येझाउ नेतृत्वको टोली आइतबार नेपाल आएको हो । नेपाल आएलगत्तै टोलीले उच्चस्तरीय भेटघाट सुरु गरेको हो ।
चिनियाँ टोली अहिले नेकपा (प्रचण्ड-माधव) पक्षका अध्यक्ष पुष्पकमल दाहाल प्रचण्ड लाई भेट्न खुमलटार पुगेको छ । अहिले अध्यक्ष प्रचण्डसँग चिनियाँ टोलीको भेटवार्ता भइरहेको छ । प्रचण्डलाई भेटेपछि आजै अर्का अध्यक्ष माधवकुमार नेपाललाई चिनियाँ टोलीले भेट्दैछ ।
आइतबार काठमाडौं उत्रिएलगत्तै उक्त टोलीले दूतावासमा ब्रिफिङ लिएपछि राष्ट्रपति विद्यादेवी भण्डारी र प्रधानमन्त्री केपी शर्मा ओलीलाई भेटेर छलफल गरिसकेको छ ।
