लागूऔषध निस्तेज गर्नका लागि एसपी ओम रानाले सञ्चालनमा ल्याए महाअभियान



बाँकेका प्रहरी प्रमुख एसपी ओम बहादुर रानाले जिल्लामा लागू औषधलाई निस्तेज गर्नको लागि लागू औषध महाअभियान २०७७ सञ्चालनमा ल्याएको जानकारी दिएका छन् । बाँकेका ८ वटा स्थानीय तहका ८१ वटा वडाका वडा अध्यक्षको संयोजकत्वमा लागू औषध विरुद्धको वडास्तरीय समिति निर्माण भैसकेको छ र काम पनि सुरु भैसकेको छ ।

एसपी ओम बहादुरका अनुसार जिल्लाका लागूऔषधकै कारण ७० प्रतिशतले अपराध बढेकाले यो महाअभियान सञ्चालनमा ल्याउनु परेको बताएका छन् । जिल्ला प्रहरीको तथ्याङ्क अनुसार चालु आर्थिक वर्षको साउनदेखि मंसिर मसान्तसम्म ६१ वटा मुद्दामा ८३ जना प्रक्राउ परेका छन् ।

कार्यक्रममा केही प्रतिष्ठित व्यक्तिहरुलाई बोलाइएको थियो । सबैले यस अभियानले लागूऔषधबाट बढिरहेका अपराधहरुलाई निर्मुल गर्न मदत गर्ने बताएका छन् । साथै एसपी ओम बहादुरको कामको पनि निकै तारिफ गरेका छन् ।

प्रतिक्रिया दिनुहोस्