रोटरी क्लब अफ पशुपति–काठमाडौँ तथा रोट्रयाक्ट क्लब अफ पशुपति काठमाडौँद्धारा जितपुर फेदीमा अवस्थित मात्री बाल गृहमा रहेको लगभग १९ जिल्लाका ३० जना अनाथ बालबालिकाहरुलाई २०७७ कार्तिक १ गते शनिबार घटस्थापनाको दिन खाद्यान्न तथा फलफूल वितरण गरेको छ ।
उक्त कार्यक्रममा क्लबका अध्यक्ष रो.शालिक अधिकारीले विगत १२ बर्षदेखि उक्त संस्थालाई खाद्यान्न वा फलफूल वितरण गरी राखेको र यो बर्ष पनि यसलाई निरन्तरता दिएको जानकारी दिएका थिए । उक्त कार्यक्रममा क्लबका निवर्तमान अध्यक्ष रो.हर्क साउद, पूर्व अध्यक्ष तथा ए.जि.रो दुर्गा सुवेदी तथा पूर्व अध्यक्ष रो.गोपाल पोख्रेल तथा वर्तमान अध्यक्ष शालिक अधिकारीले दशैँको शुभकामना पनि दिएका थिए । साथै उक्त संस्थाका अध्यक्ष श्री नरबहादुर राउतले दशैँको शुभकामना तथा रोटरी क्लब अफ पशुपति–काठमाडौँ लाई धन्यवाद दिएका थिए ।
त्यसैगरी रोटरी क्लब अफ पशुपति काठमाडौँले आफ्नो ११०० औँ ऐतिहासिक मिटिङ रोट्रयाक्ट क्लब अफ पशुपति काठमाडौँसँग मिलेर भव्य रुपमा सम्पन्न गरेको छ । उक्त ११०० औँ मिटिङलाई दशैँको शुभकामना आदान प्रदानसँगै एकजना नयाँ सदस्यलाई आफ्नो क्लबमा भित्र्याएको छ । उक्त मिटिङमा नयाँ सदस्य अधिवक्ता शिव बहादुर भुजेललाई क्लबका पूर्व अध्यक्ष तथा ए.जी. दुर्गा सुवेदीले इन्डक्ट गराएका थिए ।
साथै क्लबको ११०० औँ ऐतिहासिक मिटिङको अवसर पारेर मासिक पत्रिका द बाग्मती प्रकाशन गरेको छ । उक्त मासिक पत्रिकामा हरेक महिनामा क्लबले गर्ने कार्यक्रमहरु समेटेर प्रकाशन गरिएको छ । उक्त पत्रिका प्रकाशन गर्न दक्षिण कोरियामा बस्ने क्लबका रो. अनित थपलियाले सहयोग गरेका थिए ।
