“सुरक्षित सिकाई” अन्तर्गत रचनात्मक प्रतियोगिता २०७७



काठमाडौं । सुरक्षित सिकाई परियोजना अन्तर्गत संचालन हुन गइरहेको रचनात्मक प्रतियोगिता २०७७ मा सहभागी हुन सम्पूर्णलाई आव्हान गर्न चाहन्छौं । उक्त कार्यक्रमको मुख्य उदेश्य युवाहरुको प्रतिभा प्रस्फुटन, क्षमता अभिवृद्धि र हौसला प्रदान गर्नका साथै युवाहरुलाई कोरोना भाइसको महामारीको अवस्थामा पनि सुरक्षित सिकाई वातावरणको महत्व र बुझाइबारे सक्रिय हुन् आयोजना गरिएको हो ।

यस प्रतियोगितामा सहभागी हुन उल्लेखित ५ विदाहरु मध्ये कुनै एक विदामा कविता, गीत, कथा, लेख र चित्र तथा हस्तकलाको लागि आफ्नो नाम टिपाउनु पर्नेछ । हरेक विदाहरुमा आफ्नो सहभागीता जनाउन इच्छुक सहभागीहरुले आफ्नो घर, विद्यालय, र समाजमा सुरक्षित वातावरणको परिकल्पना र बालबालिकाहरु वा किशोरकिशोरीमाथि हुने हिँसा वा दुर्व्यवहारबाट सुरक्षित रहन सकिने चेतनामुलक रचनाहरुमा केन्द्रित हुनुपर्नेछ ।

साथै सहभागीता जनाउनका लागि तल उल्लेखित इमेल वा फोन नम्बरमा सम्पर्क गराएर आफ्नो नाम, सम्पर्क नम्बर र व्यक्तिगत विवरण बताउन वा पठाउन सक्नुहुनेछ । हरेक विदामा ५—५ जना सहभागीहरुबीच प्रतिस्पर्धा गराइनेछ । साथै छनोट भएका जम्मा २५ सहभागीहरुलाई मात्र असोज १ गते सम्म प्रतिस्पर्धाको मितिबारे सम्पर्क गरिनेछ र सहभागी सबैलाई प्रोत्साहन स्वरुप नगद रु. १०,००० (दश हजार) प्रदान गरिनेछ । सम्पूर्ण सहभागीहरुको रचनात्मक वस्तुको सक्कल उतराधिकारी मात्र आयोजकलाई हुने जानकारी गराउदछौ ।

सम्पर्क न.: ९८५१०७१९४५
इमेलः [email protected]

नोटः माथिका ५ विदाहरुमध्ये हरेक विदामा एक-एक गरी ५ उत्कृष्ट विजेताहरुलाई आकर्षण पुरस्कारको व्यवस्था गरिएको छ । साथै उत्कृष्ट विजेताहरुलाई सम्मान स्वरूप नगर पुरस्कार, प्रमाण पत्र, र टोकन संगसंगै मिडियासम्बन्धी पनि अवसर प्रदान गरिनेछ । नाम दर्ता गराउने अन्तिम मिति २०७७ भदौ ३१ गते, ५ बजे सम्म रहेको जानकारी गराउदछौ ।

प्रतिक्रिया दिनुहोस्