पर्खिरहनु
विश्वास गर्नु
म आउनेछु
पक्कैपनि
म आउनेछु
तिमीलाई भेट्न ।
तिमीलाई उदास लाग्न सक्छ
छ्टपटी बढ्न सक्छ
यो समय
तरपनि
तिम्रो र मेरो बीचको
विश्वास टुट्न नदिनु ।
धर्तीमा उज्यालो नखँस्दै
म टुप्लुक्क आई पुग्नेछु ,
तिमीलाई भेट्न आउनेछु ।
पर्खिरहनु,
बाटो कुरिरहनु ,
फुलेका ती सुन्दर फुलहरुलाई
हेर्दै गर्नु मौसमलाई हेर्नु
आकाशका ती बादलहरुलाई हेरेर
धेरै नजिस्किनु ।
म पक्कैपनि आउनेछु
प्रेमको सौन्दर्य छरेर
तिमीले पर्खिनुछ
प्रतीक्षा गर्नुछ
यो समय धर्य गर्नुछ तिमीले
जहाँ प्रतीक्षा छ
त्यहाँनेर प्रेम छ ।
-अमित संग्रौला
