हत्या गरेपछि टाउको र खुर्पा बोकेर प्रहरी चौकी पुगे एक युवक



धादिङमा हालैमात्र निकै डरलाग्दो घटना घटेको छ । धादिङको निलकण्ठ नगरपालिका–१३ स्थित खलचेतमा बस्ने ६४ बर्षिया सूर्यबहादुर गुरुङको सोहि ठाउँका २६ बर्षिया राजु परियारद्धारा हत्या भएको छ ।

सूर्यबहादुरको करिब रातको १ बजेतिर भएको थियो । राजुले खुर्पाले टाउकोमा हानेर सूर्यको हत्या गरेको प्रहरीले जनाएको छ ।

राजु आफै सूर्यको टाउको र खुर्पा बोकेर आत्मसर्मपणका लागि पुलिस चौकी पुगेका छन् ।

आन्तरिक विवाद बढ्दै गएपछि साथमा रहेको खुर्पाले काटेर गुरुङको हत्या गरेको परियारले प्रहरीलाई बताएका छन् । घटना हुनुअघि दुवै जनाले मदिरा सेवन गरेका थिए ।

सामान्य विवाद हुँदा गुरुङको हत्या भएको प्रहरी प्रारम्भिक अनुसन्धानबाट खुलेको एसपी रेग्मीले बताए । अहिले घटनास्थलमा प्रहरी टोली पुगिसकेको र शव पोष्टमार्टमको लागि धादिङबेशी पठाइएको छ ।

 

प्रतिक्रिया दिनुहोस्