अमित संग्रौला
देशलाई सम्झिए
माटोलाई सम्झिए
भूगोललाई सम्झिए
पृथ्वीनारायण शाहलाई सम्झिए
आज
मलाई देशको माया लागेको छ
हो, म तिम्रै माटोमा हुर्केको छु
बढेको छु
म आफ्नै स्वदेशको हावा
खाएको छु पानी पिएको छु
हे
धर्तीमाता
म तिमी भन्दा पर जान सक्तिन
मलाई देशको प्रेम छ
नेपाल नेपालीहरुको माया छ
मलाई प्रकृतिसँग प्रेम छ
बुद्धको देश छ
सगरमाथाको देश छ
सिता जस्ती पबित्रता नारी भएको
मेरो देश हो
आज मलाई
तन दुखेको छ
मन देखेको छ
हो, मलाई असाध्यै देशको माया छ
तिमी नै मेरो
प्रियसी र प्रियतम हौ
देश भन्दा पर
कुनै भेष छैन
हो, तिमी हास्दा
म हाँस्छु
तिमी रुदा
म पनि रुन्छु
मेरो देश
अनि म छु
तिम्रो मायाले गर्दा
देशभक्तको भावनाले ओतप्रोत
भएको छु
बीच सडकको डिलमा बसेर
मेरो देशलाई हेरिरहेको छु
अनि सोच्दैछु
मेरो देश कति
सुन्दर शान्त र गम्भीर छ
हो आज मलाई
देशप्रति अथाह प्रेम छ।।।।