नयाँ रेकर्ड राख्दै बढ्यो सुनको मूल्य, पुग्यो तोलाको ९४ हजार

०७ साउन २०७७, काठमाडौं

बुधबार नेपाली बजारमा सुनको मूल्यले नयाँ रेकर्ड बनाउँदै तोलाको ९४ हजार रुपैयाँमा कारोबार शुरु भएको छ । मंगलबारको तुलनामा बुधबार सुनको मूल्य तोलामा १३०० रुपैयाँले बढेको हो ।

नेपाल सुनचाँदी व्यवसायी महासंघका अनुसार मंगलबार तोलामा ९२ हजार ७०० रुपैयाँमा कारोबार भएको छापावाल सुन बुधबार तोलामा ९४ हजार रुपैयाँमा कारोबार भएको छ ।

यस्तैगरी बुधबार तेजावी सुन तोलामा ९३ हजार ५६० रुपैयाँमा कारोबार भएको छ । यसैबीच बुधबार चाँदीको मूल्य पनि बढेको छ । मंगलबार १०४० रुपैयाँमा कारोबार भएको चाँदी बुधबार ११३५ रुपैयाँमा कारोबा भएको हो ।