घुस सहित गोदावरी नगरपालिकाका प्रशासकीय अधिकृत र सबइञ्जिनियर पक्राउ

०६ साउन २०७७, काठमाडौं

सेवाग्राहीसँग एक लाख ५० हजार रुपैयाँ घुस रकम लिईरहेको अवस्थामा गोदावरी नगरपालिकाका प्रमुख प्रशासकीय अधिकृत कृष्णप्रसाद जैसी र सबइञ्जिनियर किशोर मोक्तानलाई पक्राउ परेका छन् । मंगलबार (आज) अपराह्न १ बजे  अख्तियार दुरुपयोग अनुसन्धान आयोगकाे टाेलीले उनीहरुलाई पक्राउ गरेकाे हाे।

आयोगको टोलीले विकास निर्माणका काममा भुक्तानी लिएको अभियोगमा नगरपालिकाको आफ्नै कार्यकक्षबाट अभियुक्तद्वयलाई नियन्त्रणमा लिएको आयोगका प्रवक्ता तारानाथ अधिकारीले जानकारी दिए।