०४ श्रावन २०७७, काठमाडौं
देशभर भारी वर्षाका कारण जनजीवन कष्टकर बनेसँगै बूढानीलकण्ठ नगरपालिका वडा नं. ११ स्थित रहेको स्वरुपा टोल डुवानमा परेपछि स्थानीय समस्यामा परेका छन् ।
समस्यामा परेसँगै वडा तथा नगरले खासै चासो नदिएका कारण स्थानीय आक्रोसित बनेका छन् । स्थानीय बीरबहादुर काफ्ले भन्छन् जहाबाट जसले गरेपनि तत्काल समस्याको समाधान गर्न आवस्यक छ । काफ्लेका अनुसार प्राकृतिक विपतिमात्र नभएर माथिका स्थानीयले ढल मनपरी रुपमा छोडेका कारण स्वरुपा टोलमा थप समस्या भएको हो ।
बाढी तथा डुवान समस्याले बूढानीलकण्ठ ११ को स्वरुपा टोल प्रभावित परेको स्थानीयले जनाएका छन् । स्थानीयहरुबीच समन्वय नगरी ढल मनपरी छोड्नु र पटक–पटक जानकारी गराउँदा वडा तथा नगरले खासै चासो नदिएका कारण यस किसिमको समस्या आएको स्थानीय बताउँछन् ।
स्थानीय तथा बाढी पीडित कमल न्यौपानेका अनुसार ढल तथा बाटो नबनेका कारण आफूहरु मारमा परेका छौं । वडाअध्यक्षले निग्रानी नगरेको र खासै चासो नदेखाएका कारण यो स्थीति सम्म पुगेको स्थानीयको आरोप छ ।
त्यसैगरी बाढी पीडित माधव ढुंगेलका अनुसार स्वरुपा टोल नजिकको एक बोरीङबाट निकालिएको पानिमा समेत माथिबाट आएको ढल र फोहोर मिसिएको छ, हामी करिव १२० घरधुरीले उक्त बोरिङको दुशित पानी प्रयोग गर्न बाध्य छौं ।
