०४ साउन २०७७, काठमाडौं
बाँके प्रहरी प्रमुख प्रहरी उपरीक्षक ओम बहादुर रानाको संयोजन तथा प्रमुख जिल्ला अधिकारी राम बहादुर कुरुम्वाङको प्रमुख आतिथ्यतामा ‘जीवन रक्षाका लागि रक्तदान’ कार्यक्रम सम्पन्न भएको छ ।
सामुदायिक सेवा केन्द्र बाँके तथा जिल्ला प्रहरी कार्यालय बाँकेको आयोजनामा नेपालगञ्ज उपमहानगरपालिका वडा नं. १० गणेशमान चोक स्थित लागू औषध परामर्श केन्द्रको प्राङ्गणमा उक्त रक्तदान कार्यक्रम सम्पन्न् गरिएको हो ।
कार्यक्रममा प्रहरी कार्यालय बाँके तथा मातहत समेतमा कार्यरत ९८ जना प्रहरी कर्मचारी र ३ सर्वसाधारण गरी जम्मा १०१ जनाले रक्तदान गरेका थिए ।
सबै रक्तदाता तथा रक्तदानमा खटिएका डाक्टर र स्वयम्सेवकहरुलाई सामुदायिक सेवा केन्द्रका अध्यक्ष शशी स्वाँर र बाँके प्रहरी प्रमुख ओम बहादुर रानाले प्रमाण–पत्र वितरण गरी धन्यवाद ज्ञापन गरेका थिए ।
यो पनि पढ्नुहोस् :
