३० जेठ २०७७, काठमाडौं
जिल्ला प्रहरी कार्यालय, उदयपुर दरबन्दी भई मोरङ जिल्ला सि.आर.भी. कटहरीमा कार्यरत प्रहरी सहायक निरीक्षक सिताराम घिमिरे चार हजार घुस सहित पक्राउ परेका छन् ।
उनलाई अख्तियार दुरुपयोग अनुसन्धान आयोगको कार्यालय इटहरीबाट खटिएको टोलीले पक्राउ गरेको हो ।
प्रहरी सहायक निरीक्षक घिमिरेले होटल व्यवसाय संचालनमा सहजिकरण गरीदिने प्रयोजनका लागि सेवाग्राहीसँग घुस लिने गरेका थिए । कटहरी गा.पा. वडा नं. ३ कहटरी चोकबाट घुस रकमसहित रंगेहात नियन्त्रणमा लिईएका घिमिरेमाथि आवश्यक अनुसन्धान भइरहेको छ ।
