काठमाडौंमा मोटरसाइकल दुर्घटना, दुईको मृत्यु

११ जेठ २०७७, काठमाडौं

काठमाडौंको टोखा नगरपालिका–२, पञ्चेटारमा दुई वटा मोटरसाइकल एकआपसमा ठोक्किँदा दुई जनाको मृत्यु भएको छ । एक जना घाइते छन् ।

आइतबार बिहान साढे ५ बजे भएको दुर्घटनामा दुवै मोटरसाइकलका चालकको मृत्यु भएको हो ।

महानगरीय प्रहरी वृत्तका अनुसार सामाखुशीबाट झोरतर्फ जाँदै गरेको मोटरसाइकल र झोरबाट टोखातर्फ आउँदै गरेको मोटरसाइकल एकआपसमा ठोक्किँदा दुई जनाको मृत्यु भएको हो ।