०२ जेष्ठ २०७७, काठमाडौं
सत्तारुढ नेपाल कम्युनिष्ट पार्टी (नेकपा) को स्थायी कमिटी बैठकका विषयमा सरकारको नीति तथा कार्यक्रमपछि मात्र छलफल हुने भएको छ ।
शुक्रबार (आज) बसेको नेकपा सचिवालय बैठकमा स्थायी कमिटी बैठकबारे कुनै छलफल नभएको र सरकारको नीति तथा कार्यक्रमपछि मात्र यसबारे निर्णय हुने प्रवक्ता नारायणकाजी श्रेष्ठले बताए ।
यसअघि सचिवालय बैठकले वैशाख २४ गते र ३० गते निर्धारण गरेको स्थायी कमिटी बैठक स्थगित भएको थियो । सरकारले आगामी आर्थिक वर्षका लागि नीति तथा कार्यक्रम शुक्रबार ल्याउँदैछ ।
शुक्रबारको बैठकमा सरकारको नीति तथा कार्यक्रमबारे प्रधानमन्त्री केपी शर्मा ओलीले सचिवालय सदस्यहरुको सुझाव मागेको प्रवक्ता श्रेष्ठले बताए ।
