२५ वैशाख २०७७, काठमाडौं
श्रम, रोजगार तथा सामाजिक सुरक्षा मन्त्रालयले कोभिड १९ (कोरोना भाइरस) संक्रमण रोकथाम, नियन्त्रण तथा उपचार कोषमा रु. १४ लाख ५१ हजार ९६७ दाखिला गरेको छ ।
मन्त्रालय तथा मातहतका पाँच निकायका सबै तहका कर्मचारीको तर्फबाट उक्त रकम कोषमा दाखिला गरिएको मन्त्रालयका प्रवक्ता सुमन घिमिरेले बताए ।
सचिव र सहसचिवको सात दिन, उपसचिव र शाखा अधिकृतको पाँच दिन र अन्य कर्मचारीको तीन दिनको तलब रकम जम्मा गरिएको मन्त्रालयले जनाएको छ ।
