१७ वैशाख २०७७, काठमाडौं
विश्व फुटबल महासङ्घ (फिफा)ले यो सिजनको फुटबल सुरु गर्नुभन्दा नयाँ सिजनको तयारीमा लाग्न उचित रहेको बताएको छ ।
फिफाको मेडिकल कमिटीका प्रमुख डाक्टर मिचेल होगीले नयाँ सिजनको तयारी लाग्न उचित हुने बताएका हुन् । मिचेलले एउटा डाक्टरको नाताले कोभिड १९का कारण रोकिएको फुटबललाई सुरु गर्नेतिर ध्यान दिनको सट्टा सबै फुटबल सङ्घले अर्को सिजनका लागि ध्यान दिनु राम्रो हुने धारणा राखेका छन् ।
फिफा मेडिकल कमिटीका प्रमुख मिचेलले आगामी दिनमा फुटबल गतिविधि सुरु गर्नु घातक हरेको बताएका छन् । उनले फिफालाई पनि यही सुझाव दिएको बताएका छन् ।
उनले अर्को सिजनलाई राम्रोसँग सुरुवात गराउनका लागि बरु तयारी गर्दा उचित रहने र त्यो नै सबैभन्दा उत्तम उपाय रहेको बताए । युरोपियन लिगहरुका विषयमा २५ मे मा अन्तिम निर्णय दिन युरोपियन फुटबल महासङ्घले निर्देशन दिइसकेको छ ।
मिचेलले यो सिजन सुरु गर्नु सोचेको भन्दा ठूलो चुनौती रहेको बताएका छन् । यदि कारणवश फेरि भाइरसले प्रकोपका रुप लियो भने दुखद बाहेक अरु केही नहुने बताए ।
