१० बैशाख २०७७, काठमाडौं
विश्वमा महामारीको रुपमा फैलिरहेको कोरोना भाइरस (कोभिड–१९) को विषयमा नेपाल कम्युनिष्ट पार्टी (नेकपा)का नेताहरुले काठमाडौं महानगरपालिका वडा नं. मा १५ मा छलफल गरेका छन् ।
छलफलमा समस्या परेकालाई घर पठाउने व्यवस्था पनि मिलाउनुपर्छ, कोहि भोकै नपारोस् र राहत बितरण कार्यलाई लक्षित समुदायमा पुर्याउन ध्यान दिनुपर्ने भन्दै नेकपा स्थायी कमिटी सदस्य तथा बागमती प्रदेशका ईन्चार्ज अष्टलक्ष्मी शाक्यले आफ्नो धारणा राखेकी थिईन् ।
त्यस्तै नेकपा केन्द्रिय कमिटी सदस्य तथा काठमाडौ महानगरका ईन्चार्ज जीवनराम श्रेष्ठले पार्टीका सबै सदस्यहरूलाई आ–आफ्ना टोलहरूमा कोभिड १९ को मापदण्ड पालन गरी रोगबाट बचाउन र जनताको समस्या समाधान गर्न सहयोग गर्ने कार्यमा लाग्न आव्हान गरेका थिए ।
सामाजिक दुरी कायम गरी सबैले मास्क लगाएर आयोजना गरिएको छलफलमा बागमती प्रदेश कमिटी सदस्य सरिता महर्जन, कामपा १५ का वडाध्यक्ष तथा महानगर प्रबक्ता ईश्वरमान डगोल लगायत नेकपाका नेता र कार्यकर्ताको उपस्थिति रहेको थियो।
