१० वैशाख २०७७, काठमाडौं
थुलुङ दुधकोशी गाउँपालिकाका अध्यक्ष असिम राईको पहल तथा नेकपा सांसद जनार्दन शर्मा ‘प्रभाकर’को समन्वयमा पश्चिम रुकुमको बाँफिकोट गाउँपालिका पुगेका अलपत्र नागरिकको उद्धार गरिएको छ ।
कोभिड १९ (कोरोना भाइरस)को सम्भावित जोखिमलाई मध्यनजर गर्दे संघीय सरकारले घोषणा गरेको बन्दाबन्दी (लकडाउन्)का कारण बाँफिकोट पुगी पर्यटन व्यवसायी मानबहादुर खत्रीको घरमा बसिरहेका २ फ्रान्सेली नागरिकसहित ७ जनाको बुधबार (आज) उद्धार गरिएको गाउँपालिका अध्यक्ष असिम राईले जानकारी दिए ।
⇒ काठमाडौंलगायत बाहिरी जिल्लामा आपत्मा परेका गाउँपालिकावासीको उद्धार गर्दै थुलुङ दुधकोशी
अलपत्र पर्नेमा फ्रान्सेली नागरिकद्वय ब्रीजित् ह्यामजोर् र लोरेन्ट्, उनीहरुको टोली नेता मानबहादुर खत्रीसँगै उनीहरुको सहयोगीहरु भीम मगर, दानबहादुर मगर, दोर्जे राई, तथा मदन राई रहेको पनि गाउँपालिका अध्यक्ष राईले जानकारी दिए ।
उनीहरु राजधानी काठमाडौंबाट रोल्पा हुँदै बाँफिकोट (पश्चिम) पुगेका थिए ।
