०६ वैशाख २०७७, काठमाडौं
खोटाङको हलेसी तुवाचुङ नगरपालिकाले नगरवासीलाई घरसम्म पुर्याउने भएको छ ।
नगरपालिकाले गत बिहीबार विज्ञप्ति निकाल्दै घसम्म पुगी सुरक्षित ‘होम क्वारेन्टाइन’मा बस्न चाहनेलाई घरसम्म पुर्याउन सकिने जनाएको हो ।
विज्ञप्तिमा नगरवासीलाई घरसम्म लानको लागि संघीय सरकारसँग आवश्यक पहलकमदी भइरहेको जनाइएको छ ।
“तपाईँहरु आ–आफ्नो घरमा सुरक्षित होम क्वारेन्टाइनमा बस्न चाहनेहरुलाई घरसम्म ल्याउन संघीय सरकारसँग आवश्यक पहल भइरहेको हुनाले इच्छुक नगरवासीहरले नाम र सम्पर्क नम्बर टिपाइदिनु अनुरो छ ।” नगर प्रमुख इवन राईद्वारा हस्ताक्षरित विज्ञप्तिमा भनिएको छ ।
यसैबीच नगरपालिकाले बन्दाबन्दी (लकडाउन्)ले नगरवासीमा परेको असुविधाप्रति क्षमा पनि मागेको छ ।
|तस्वीरमा नगरप्रमुख इवन राई। फाइल तस्वीर|
