०१ बैशाख २०७७, काठमाडौं
विश्वव्यापी रुपमा फैलिरहेको कोरोना भाइरस (कोभिड(१९) महामारीका कारण आम जनता नेपाल सरकारद्वारा निर्देशित लकडाउनको पालना गरेको अवस्थामा विगत १९ दिनदेखि बन्दाबन्दीको अवस्थामा छन् ।
कोभिड १९ को संक्रमण थप फैलन नदिन र सम्भावित जोखिमलाई मध्यनजर गर्दै सरकारले लगाएको बन्दाबन्दीलाई आम जनताहरुले पालना गरी अत्यावश्यक काममा बाहेक सवारी र मानिसहरु बाहिर निस्केका छैनन् ।
यसर्थः अहिले राजधानी काठमाडौंका फराकिला सडकहरु पनि खाली अवस्थामा देखिन्छन् । यद्यपि पनि सडकबीच उभिएका सुरक्षाकर्मीहरुले बन्दाबन्दीलाई अझ पालना गर्न आम सर्वसाधारणलाई प्रेरित गरिरहेका छन् ।
यसैबीच प्रधानमन्त्री केपी शर्मा ओलीले सोमबार (आज) नयाँ वर्षको शुभकामना सन्देश दिँदै देशवासीलाई स्वास्थ्यकर्मीको सुझाव र सरकारको निर्देशनलाई पालना गर्न समेत आह्वान गरेका छन् ।
हालसम्म नेपालमा कोरोनाबाट १३ जना संक्रमित बनेका छन् । जसमध्ये कएजनाले पूर्ण रुपमा स्वास्थ्य लाभ लिएर सामान्य दिनचर्यामा फर्किसकेका छन् । विगतका वर्षहरुमा नेपाली हरुले निकै हर्षोउल्लासका साथ मनाउने गरेको नयाँ वर्ष यो साल भने कोरोनाका कारण काठमाडौं लगायत देशभरीनै सुनशान रहेको छ ।
