२८ चैत्र २०७६, काठमाडौं
सत्तारूढ दल नेपाल कम्युनिष्ट पार्टी (नेकपा)का कार्यकारी अध्यक्ष पुष्पकमल दाहाल ‘प्रचण्ड’ले कोभिड १९ (कोरोना भाइरस) रोकथामका लागि प्रतिपक्षी दलसहितको उच्चस्तरीय संयन्त्र आवश्यक रहेको बताएका छन् ।
शुक्रबार इमेज टेलिभिजनमा अन्तरवार्ताको क्रममा अध्यक्ष प्रचण्डले यस्तो बताएका हुन् । उनले उच्चस्तरीय संयन्त्र बनाउनुपर्ने कुरा पार्टी सचिवालय बैठकमा समेत राखेको बताएका छन् ।
“मैले यो कुरा प्रधानमन्त्री र पार्टीको सचिवालय बैठकमा पनि राखेको छु ।” उनले भनेका छन्, ‘सत्तापक्ष, प्रतिपक्ष र महत्वपूर्ण व्यक्ति रहेको संरचना नै बनाएर यसको मुकाबिला गर्नेतर्फ जानुपर्छ ।’
यस्तै उनले त्यस खालको संरचनाले जनतामा पनि विश्वास पैदा हुने बताउँदै आफूले प्रधानमन्त्री र अन्य राजनीतिक दललाई त्यसतर्फ सोच्न पनि सुझाएको बताए ।
|तस्वीरमा नेकपा कार्यकारी अध्यक्ष प्रचण्ड। फाइल तस्वीर|
