लकडाउन अवधिभर ब्यापारीहरुले नेपाल बाहिरबाट तरकारी आयात नगर्ने

१८ चैत २०७६, काठमाडौं

नेपाल सरकारद्वारा तोकिएका लकडाउन अवधिभर कोरोना भाइरस (कोभिड–१९)को संक्रमणलाई मध्यनजर गर्दै कालिमाटी तरकारी तथा फलफूल बजारका ब्यापारीहरुले नेपाल बाहिरबाट तरकारी आयात नगर्ने निर्णय गरेका छन् ।

काठमाडौ महानगरपालिका प्रमुख विद्या सुन्दर शाक्य, प्रदेश सभा सदस्य राजेश शाक्य, कामपा १३ का वडा अध्यक्ष ध्रुव नारायण मानन्धर, नेपाली सेना जगदल गण र फन्ट रेञ्जर बटालियनका प्रमुख, कालिमाटी प्रहरी बृत्तका प्रमुख, कालीमाटी बजार ब्यबस्थापन समितिका कार्यकारी निर्देशक, अन्य कर्मचारी र ब्यापारीका प्रतिनिधिको उपस्थिति रहेका छलफलले निरीक्षण समिति गठन गरेको छ ।

नवगठित निरीक्षण समितिले बजारमा भिड नहुने गरी बिहान प्याकिङ नबिगारी थोक मात्र बिक्री गर्ने र साँझ खुद्रा बिक्रि गर्ने निर्णय गरेको छ । साथै मोटरसाइकललाई बजारमा प्रबेश निषेध गरी किर्तिपुर बस स्टपतर्फ ब्यबस्था गरेको छ ।