१७ चैत्र २०७६, काठमाडौं
भारतको धारचुलामा अलपत्र परेकामध्ये महाकाली नदी पौडेर नेपाल फर्किएका तीन जनालाई प्रहरीले नियन्त्रणमा लिएको छ ।
महाकाली नगरपालालिका ४ पुलघाट बजार नजिकैबाट उनीहरू सोमबार (आज) दिउँसो नेपाल प्रवेश गरेका थिए । पौडी खेली नेपाल प्रवेश गरेका तीनै जनालाई नेपाल प्रहरी र सशस्त्र प्रहरीले नियन्त्रणमा लिएको हो ।
पौडेर नेपाल प्रवेश गर्नेमा बैतडी डिलाशैनी गाउँपालिकाका इन्द्रराज खत्री, दार्चुलाको मार्मा गाउँपालिकाका रमेश विष्ट र शैल्यशिखर नगरपालिकाका धनबहादुर स्वदेश प्रवेश गरेको प्रहरीले जनाएको छ ।
उनीहरू भारतको विभिन्न ठाउँमा मजदूरी गरी घर फर्किँदा नेपालमा ‘लकडाउन्’ भएको थियो भने सीमा पुल बन्द गरिएको थियो । उनीहरुसँगै सयौं नेपाली अझै सीमा अलपत्र छन् ।
पुल खोल्न प्रमुख जिल्ला अधिकारीसँग आग्रह गर्न पौडी खेलेर नेपाल आएको उनीहरुको प्रतिक्रिया छ ।
|तस्वीरमा अपलत्र नेपालीहरु। फाइल तस्वीर|